另一個倒米個案,卻是極不愉快的經歷,
個案的主角,是名想處理手筋疼痛及背痛的女士。
該女士選擇了四節療程,
頭兩次的進度也很好,每次也能有鬆弛及紓緩的效果。
在第三次治療翌日卻收到她的電話,
說她早上暈眩至不能起床,
醫生診斷是『耳石』發作。
她推想是由頌缽引起,所以取消下次預約。
電話中她蠻有責備成份,
還著我上網check下有關資料。
我第一個反應是覺得自己做錯事,
累她受苦,誠心跟她致歉。
掛線後,靜下來,卻越想越不對勁。
接受頌缽治療的人常會經歷冷熱麻癢痺痛,
有時痛楚真係會幾強下,
但這感覺多是短暫性,
通常於治療完結後當晚已消失,
甚少會延續至下一天。
況且,該女士正患感冒,
工作又繁忙又頭痛又睡眠不足,
身體狀況真的不太好。
再加上如果頌缽是誘因,
前兩次治療後應已出事,
怎會待至第三次後才有此反應呢?
個多月後,再收到這女士致電,
說看了個多月醫生,才將暈眩問題處理,
說不會來作第四節治療,
希望我把款項退回。
我聽完真係……
唔…… 咁都得?又係我錯?
但,真係唔想分辨,
只要佢健健康康咁就得喇。
不過最大問題係,佢之前帶唔夠錢,
那4節療程根本無畀足全數,
仲想我退錢畀佢?條數應該點計呀?
認識我既客人都知,
我珍惜的,是那種互信關係。
治療師與接受治療者,
就是你信得過我,放心交畀我,我會盡力協助。
當中也會有我無能為力的時刻,
但自問已經盡了力,無愧於心。
以此個案來說,失望得很……
那份互信徹底破產,
還付有責備追討成份!
我不想跟她糾纏,
要退,就退飽佢啦。
我以單節治療價錢計算,
告知她只會退回$320, 並叫她上來拎錢。
反倒是她沒想到我會這麼爽快,
顯得愕然,說有空再打電話約時間上來退款。
呢次經歷,令我認真考慮是否需要列明條款,
說明:療程要相金先惠,不設退款,
哈哈,以及唔好叫治療師自己上網找資料!
沒有留言:
張貼留言